CAROLUS II Hagae Comitis erat

CAROLUS II. Hagae Comitis erat

funestô paternae mortis nuntiô auditô. Hinc a Scotis Rex factus, illuc concessit, sed ab Anglis, Cromwellô Duce, acie victus, postquam diu in hostico latitâsset, tandem lignatoris habitu primum usus, dein cubicularium nobilis alicuius feminae simulans, in Hollandiam evasit. Decennali exiliô iactatus, Coloniae inprimis moram traxit: Frustra dein Galliae Hispaniaeque Regum, qui tum pacem nuptiasque sanciverant in utriusque regni collimitio, A. C. 1660. ope imploratâ, paulo post, mortuô Protectore, miraculô restitutus, ministeriô Generalis Monckii, ex Hollandia, ab huius incolis magnifice excultus et deductus, in Angliam rediit: In throno stabilitus, Hollandis binis vicibus bellô illatô, non usquequaque felix. Obiit subitâ morte, A. C. 1685. successore fratre Duce Eboracensi Iacobô. Vide Iacobus II. Reges Sueciae.